PS3 - GTA V

( Cantonese / Tradition Chinese / English )

中譯：《俠盜獵車手5》或《橫行霸道5》

瘋人生活

呢隻係勁出名既動作GAME。首日發售，好多間GAME鋪都睇倒大排長龍，西裝友，學生又有，個個都希望第一時間可以玩倒。而家隻GAME賣緊 368-398 蚊，一D都唔便架，但入面既3D世界非常宏大，都無得否認隻GAME的開發成本都唔小。

以下我用列點方式，同上一集做比較：

1) 地圖明顯更宏大
2) 畫面更流暢，更細緻
3) 槍戰場面減少，開車場面增加
4) 警察無以前咁敏感，玩家可以較專心
5) 角式的住所可以收藏2部車 （上集只可以留一部）
6) 任務失敗，會現場重新開始 （上集要自己再開車去現場）
7) 汽車更易操控，速度感更真實，開車變得更有樂趣
8) 生活中可以做的事情更多，如炒賣股票、瑜珈、網球、哥爾夫球、自由開飛機及駕船、亡命跳傘、跑步、騎單車、去遊樂場玩機動、射飛標、什至有綜合的鐵人賽

我認為主線長度適中，比上一集更易玩。雖然可以做的閒事比較多，但其實都係好無聊的小遊戲。ONLINE模式係將遊戲變成等級制，透過團體任務賺取經驗同金錢，達致享有更好的居所同武器，不過我每次上網入去，都切唔夠人數執行任務，而約好幾個三五知己同時花幾百蚊去玩，咁又唔太可能。

因為咁，只要打爆左主線故事，都巳經可以將佢放埋一邊啦，有D支線任務都唔太清楚點樣玩，純粹都只係想加長耐玩性。仲有就係，台灣D對白翻譯，我作為香港人，有時真係睇唔明，希望下次可以改善下。

整個故事本來係好嚴肅，講賊人跟FIB之間的利益衝突，關係到三位唔同家庭背境的主角，所面對的壓力，但遊戲用左笑話的形式，好簡單咁帶過，令個故事笑話連篇，呢個係我得到最大的娛樂。同時又有感，所謂的美國夢係咪在精神上有咁樣的意識矛盾呢？

講到價錢，我覺得真係太貴，但又唔可以否認呢隻GAME的開發成本好高，如果你好似我咁，只係想玩主線模式就算的，等遲D跌價先買來玩都無妨，事實真係唔係想像中咁非玩不可。好采我係借返來玩，覺得如果比3百幾買返來，有中左伏的感覺。嘻嘻～

( Cantonese / Tradition Chinese / English )